Bia ding

Ekom nló bóngó tëgè ai miyon

Enfants sur Dzaleu.com : fillette africaine en tresses au fil

Ekom nló bóngó tègè ai miyon : Dzé mi në dzam bò ású yi na mi kom bóngó nló nnëm ámieŋ

Zá á yem kig akiae bóngó bá kad yon éyoŋ bá yen faag !

É dí ósú, a dzeŋ na a yem ású dzé móngó á yon. Amú ngë miyon mía kad zuu ábog asë, nálā nā móngó a wog foa mintié éyoŋ mía fen nyè.

Bān mëlëbëgá ású yi na adzó míyón á mān

Asimbá ziŋ ásíkig étédé, mía yënë yem noang gab ai esil bívíndi. Man mvulëná : mvende tègè yas ésil évíndi ai é man faag a bëlë bān mësoŋ.

Mía yënë fë yègè á bò na esil móngó é të tòbò a’áled aled. Ósúsua yi na míá yas nyè nló, mi në dzam tám fudi bān mëmdím ai é dzóm bá loé na « vaporisateur ».

Mí në dzam noang nfúbán mëmdím yi a nkoáng, mí bámán ai man nboán, anë mboan mënyëngë. Mí sugúzú, abog té míá fudi á ésil móngó asu yi nā é teg. Bíá toonë mína taag mëlëbëgá mëté á ntil wuíná. ©Dzaleu.com – A.B.

.

.